Sumwhyle wyth wodwos, þat woned in þe knarre3,
Boþe wyth bulle3 & bere3, & bore3 oþer-quyle,
& etayne3, þat hym a-nelede, of þe he3e felle;
Nade he ben du3ty & dry3e, & dry3tyn had serued,
Douteles he hade ben ded, & dreped ful ofte.
For werre wrathed hym not so much, þat wynter was wors,
When þe colde cler water fro þe cloude3 schadden,
& fres er hit falle my3t to þe fale erþe;
Ner slayn wyth þe slete he sleped in his yrnes,
Mo ny3te3 þen in-noghe in naked rokke3,