Item si ascun debate surdre pˀ entre ascuns des freres qˀ dieu defend et ces soit redresse per amour per la consideration des Meistres de la dite Fraternite . . . . . faire bonement et qˀ nul ne sue vers autre en autre manere autant qil ad assaie sil puisse pˀ leide des ditz Mestrez estre recorde.
Item qˀ chescun frere de la dite ffraternite veigne chescun quarter del an et paie son quarterage a Collectors decell issint qˀ les dits Collectors ne.
Item accorde est entre toutz les ditz freres qˀ quel de eux qˀ refuse son office quant ces vient a luy sil voet estre de ces allegge qil paie a lour c͠oe boyst.
Item si ascun frere soit absent a lour Messe et Manger quant il serra un foitz en lan qil paiera a tant en offrandes et toutz autres choes come un.
Item qˀ nul des ditz freres allowe autre hors de sa Meason.
Item si ascun frere per auenture tarie ses paiements entre añ et demy qil face gree demz les ij anz sanz rien outre le certain doñ. Et sil ad luy soient . . . . . . p’donez issint qil paie ce gest aderer. Et a ceux pointz tenir solonc amendement si mistier soit qils soient amendez ceste Fraternite sont entre jurez et ont chescun de eux pleine sa foy et si fra chescun qi serra de la dite ffraternite. Et accorde est entre eux . . . . . . endenture soient enclos en lour c͠oe boyst et lautre demurge vers les Mestres qˀ serront pur le temps de la dit fraternite.
Item chescun frere du dit fraternite paie en arres pur son Drap auant la mayn xld. ameyns.
Item qˀ chescun frere garde la liuere ij anz enterrement deuant qil le donne ou vende ou aliene la liuere en ascun manere sur peyne de paier al compaignie un noble dor sur lour grace.
Item est ordeyne le dymenge ps̃ch ensuant lassumpc͠on de nr̃e Dame lan le Roy Richard sẽde xjo. qe les Surveiours du dit Mistier soient esluy per lassent de tout la ffraternite et nemy per les Mestres.