¶ Here is þe secunde case þat may happe in þis craft. And þe case is þis, Suppose it is a Composite, set down the digit, and carry the tens. yf of þe casting of 2 nomburis to-geder, as of þe figure of þe hyer rewe & of þe figure of þe neþer rewe come a Composyt, how schalt þou worch. Þus þou schalt worch. Thou shalt do away þe figure of þe hyer nomber þat was cast to þe figure of þe neþer nomber. ¶ And write þere þe digit of þe Composyt. And set þe articul of þe composit next after þe digit in þe same rewe, yf þere be no [mo] figures after. But yf þere be mo figuris after þat digit. And þere he schall be rekend for hym selfe. And when þou schalt adde þat ylke figure þat berys þe articulle ouer his hed to þe figure vnder hym, þou schalt cast þat articul to þe figure þat hase hym ouer his hed, & þere þat Articul schal tokeɳ hym selfe. Here is an example. lo an Ensampull leaf 141 b. *of all. 326
216. Cast 6 to 6, & þere-of wil arise twelue. do away þe hyer 6 & write þere 2, þat is þe digit of þis composit. And þen write þe articulle þat is ten ouer þe figuris hed of twene as þus. 1
322
216. Now cast þe articulle þat standus vpon þe figuris of twene hed to þe same figure, & reken þat articul bot for one, and þan þere wil arise thre. Þan cast þat thre to þe neþer figure, þat is one, & þat wul be foure. do away þe figure of 3, and write þere a figure of foure. and lete þe neþer figure stonde stil, & þan worch forth. vnde versus.
¶ Articulus si sit, in primo limite cifram,
¶ Articulum vero reliquis inscribe figuris,
Vel per se scribas si nulla figura sequatur.
¶ Here he puttes þe thryde case of þe craft of Addicioɳ. & þe case is þis. Suppose it is an Article, set down a cipher and carry the tens. yf of Addiciouɳ of 2 figuris a-ryse an Articulle, how schal þou do. thou most do away þe [heer] figure þat was addid to þe neþer, & write þere a cifre, and sett þe [articuls] on þe figuris hede, yf þat þere come ony after. And wyrch þan as I haue tolde þe in þe secunde case. An ensampull. 25.
15 Cast 5 to 5, þat wylle be ten. now do away þe hyer 5, & write þere a cifer. And sette ten vpon þe figuris hed of 2. And reken it but for on þus. lo Here is an example. an Ensampulle 1
2φ
15 And leaf 142 a. *þan worch forth. But yf þere come no figure after þe cifre, write þe articul next hym in þe same rewe as here 5
5 cast 5 to 5, and it wel be ten. do away 5. þat is þe hier 5. and write þere a cifre, & write after hym þe articul as þus 1φ
5 And þan þou hast done.
¶ Si tibi cifra superueniens occurrerit, illam
Dele superpositam; fac illic scribe figuram,
Postea procedas reliquas addendo figuras.
What to do when you have a cipher in the top row. ¶ Here he puttes þe fourt case, & it is þis, þat yf þere come a cifer in þe hier rewe, how þou schal do. þus þou schalt do. do away þe cifer, & sett þere þe digit þat comes of þe addicioun as þus 1φφ84.
17743 An example of all the difficulties. In þis ensampul ben alle þe foure cases. Cast 3 to foure, þat wol be seueɳ. do away 4. & write þere seueɳ; þan cast 4 to þe figure of 8. þat wel be 12. do away 8, & sett þere 2. þat is a digit, and sette þe articul of þe composit, þat is ten, vpon þe cifers hed, & reken it for hym selfe þat is on. þan cast one to a cifer, & hit wulle be but on, for noȝt & on makes but one. þan cast 7. þat stondes vnder þat on to hym, & þat wel be 8. do away þe cifer & þat 1. & sette þere 8. þan go forthermore. cast þe oþer 7 to þe cifer þat stondes ouer hym. þat wul be bot seuen, for þe cifer betokens noȝt. do away þe cifer & sette þere seueɳ, leaf 142 b. *& þen go forþermore & cast 1 to 1, & þat wel be 2. do away þe hier 1, & sette þere 2. þan hast þou do. And yf þou haue wel ydo þis nomber þat is sett here-after wel be þe nomber þat schalle aryse of alle þe addicioɳ as here 27827. ¶ Sequitur alia species.
The Craft of Subtraction.