Multiplicesque demum intra omnia multiplicata
In summa decies quam si fuerit tibi doces
Multiplicandorum de normis sufficiunt hec.
The sixth case of the craft: ¶ Here he puttes þe 6 rewle, & þe last of alle multiplicacioɳ, þe quych is þis: yf þou wel multiplye a composit by a-noþer composit, þou schalt do þus. Composite by Composite. multiplie þat on composit, qwych þou welt of the twene, by þe articul of þe toþer composit, as þou were tauȝt in þe 5 rewle, þen multiplie þat same composit, þe quych þou hast multiplied by þe oþer articul, by þe digit of þe oþer composit, Mental multiplication. as þou was tauȝt in þe 4 rewle. An example As þus, yf þou wold wete what is 11 tymes 13, as þou was tauȝt in þe 5 rewle, & þat schal be an hundryth & ten, afterwarde multiply þat same composit þat þou hast multiplied, þe quych is a .11. And multiplye hit be þe digit of þe oþer composit, þe quych is 3, for 3 is þe digit of 13, And þat wel be 30. þen take þe digit of þat composit, þe quych composit þou multiplied by þe digit of þat oþer composit, leaf 165 a. *þe quych is a 11. of the sixth case of the craft. ¶ Also of the quych 11 on is þe digit. multiplie þat digitt by þe digett of þat other composit, þe quych diget is 3, as þou was tauȝt in þe first rewle in þe begynnynge of þis craft. þe quych rewle begynnes “In digitum cures.” And of alle þe multiplicacioɳ of þe 2 digitt comys thre, for onys 3 is but 3. Now cast alle þese nounbers togedur, the quych is þis, a hundryth & ten & 30 & 3. And al þat wel be 143. Write 3 first in þe ryght side. And cast 10 to 30, þat wol be 40. set 40 next aftur towarde þe lyft side, And set aftur a hundryth as here an Ensampulle, 143.
(Cetera desunt.)
[1.] In MS, ‘awiy.’
[2.] ‘ben’ repeated in MS.
[3.] In MS. ‘thausandes.’
[4.] Perhaps “So.”