18
When he gaed to his lady fair,
I wat he kissd her tenderlie:
'Thou art mine ain love, I have thee bought;
Now we shall walk the green-wood free.'
B.
MS. of Robert White, Esq., of Newcastle, from James Telfer's collection.
1
There was a knight, an he had a daughter,
An he wad wed her, wi muckle sin;
Sae he has biggit a bonnie bower, love,
An a' to keep his fair daughter in.
2
But she hadna been in the bonnie bower, love,
And no twa hours but barely ane,
Till up started Tammas, her ain true lover,
And O sae fain as he wad been in.
3
'For a' sae weel as I like ye, Tammas,
An for a' sae weel as I like the gin,
I wadna for ten thousand pounds, love,
Na no this night wad I let thee in.
4
'But yonder is a bonnie greenwud,
An in the greenwud there is a wauk,
An I'll be there an sune the morn, love,
It's a' for my true love's sake.
5
'On my right hand I'll have a glove, love,
An on my left are I'll have nane;
I'll have wi' me my sisters six, love,
An we will wauk the wuds our lane.'
6
They hadna waukd in the bonnie greenwud,
Na no an hour but barely ane,
Till up start Tammas, her ain true lover,
He's taen her sisters her frae mang.
7
An he has kissed her sisters six, love,
An he has sent them hame again,
But he has keepit his ain true lover,
Saying, 'We will wauk the wuds our lane.'