2
There cam a squire frae the west,
He loed them baith, but the youngest best.
3
He gied the eldest a gay gold ring,
But he loed the youngest aboon a' thing.
4
'O sister, sister, will ye go to the sea?
Our father's ships sail bonnilie.'
5
The youngest sat down upon a stane;
The eldest shot the youngest in.
6
'O sister, sister, lend me your hand,
And you shall hae my gouden fan.
7
'O sister, sister, save my life,
And ye shall be the squire's wife.'
8
First she sank, and then she swam,
Untill she cam to Tweed mill-dam.
9
The millar's daughter was baking bread,
She went for water, as she had need.
10
'O father, father, in our mill-dam
There's either a lady, or a milk-white swan.'
11
They could nae see her fingers small,
Wi diamond rings they were coverd all.