13
'What news, what news, my gude auld man?
What news, what news, hae ye to me?'
14
'Nae news, nae news,' said the auld man,
'The morn's our queen's wedding day.'
15
'Will ye lend me your begging weed?
And I'll lend you my riding steed.'
16
'My begging weed will ill suit thee,
And your riding steed will ill suit me.'
17
But part be right, and part be wrang,
Frae the beggar man the cloak he wan.
18
'Auld man, come tell to me your leed;
What news ye gie when ye beg your bread.'
19
'As ye walk up unto the hill,
Your pike staff ye lend ye till.
20
'But whan ye come near by the yett,
Straight to them ye will upstep.
21
'Take nane frae Peter, nor frae Paul,
None frae high or low o them all.
22
'And frae them all ye will take nane,
Until it comes frae the bride's ain hand.'