* * * * *
13
She gied to him a gravat,
O the auld horse's sheet,
And he gied her a gay gold ring,
O the auld couple-root.
B.
a. Kinloch MSS, I, 65. b. Kinloch's Ballad Book, p. 41. From the recitation of Mary Barr.
1
Kempy Kaye is a wooing gane,
Far ayont the sea,
And there he met wi auld Goling,
His gudefather to be, be,
His gudefather to be.
2
'Whar are ye gaun, O Kempy Kaye,
Whar are ye gaun sae sune?'
'O I am gaun to court a wife,
And think na ye that's weel dune?'
3
'An ye be gaun to court a wife,
As ye do tell to me,
'T is ye sal hae my Fusome Fug,
Your ae wife for to be.'
4
Whan auld Goling cam to the house,
He lookit thro a hole,
And there he saw the dirty drab
Just whisking oure the coal.
5
'Rise up, rise up my Fusome Fug,
And mak your foul face clean,
For the brawest wooer that ere ye saw
Is come develling doun the green.'
6
Up then rose the Fusome Fug,
To mak her foul face clean;
And aye she cursed her mither
She had na water in.