28 'O may be I'm a shepherd's dochter,
And may be I am nane;
But you might hae ridden on your ways,
And hae let me alane.'
29 O whan they cam unto yon mill,
She heard the mill clap:
. . . . . . .
. . . . . . .
30 'Clap on, clap on, thou bonny mill,
Weel may thou, I say,
For mony a time thou's filled my pock
Wi baith oat-meal and grey.'
31 'O an I had drank the wan water
Whan I did drink the wine,
That eer a shepherd's dochter
Should hae been a love o mine!'
32 'O may be I'm a shepherd's dochter,
And may be I am nane;
But you might hae ridden on your ways,
And hae let me alane.
33 'But yet I think a fitter match
Could scarcely gang thegither
Than the King of France's auld dochter
And the Queen of Scotland's brither.'
C
Kinloch's MSS, VII, 69; apparently from the recitation of Mrs Charles of Torry, Aberdeen, born in Mearnshire.
1 There was a shepherd's dochter
Kept sheep on yonder hill;
Bye cam a knicht frae the High College,
And he wad hae his will.
2 Whan he had got his wills o her,
His will as he has taen:
'Wad ye be sae gude and kind
As tell to me your name?'