11 'O they gang till the hie, hie heaven,
Just by our Saviour's knee,
And every day at twal o clock
They're dipped oer the head.
12 'But gie me my faith and troth, Margret,
And let me pass on my way;
For the gates o heaven will be shut,
And I'll be mist away.'
13 Then she has taen a silver key,
Gien him three times on the breast;
Says, There's your faith and troth, Willie,
I hope your soul will rest.
14 'But is there room at your head, Willie?
Or is there room at your feet?
Or is there room at any o your sides,
To let in a lover sweet?'
15 'There is nae room at my head, Margrat,
There's nae room at my feet,
But there is room at baith my sides,
To lat in a lover sweet.'
E
Kinloch's Ancient Scottish Ballads, p. 241.
1 As May Margret sat in her bouerie,
In her bouer all alone,
At the very parting o midnicht
She heard a mournfu moan.
2 'O is it my father? O is it my mother?
Or is it my brother John?
Or is it Sweet William, my ain true-love,
To Scotland new come home?'
3 'It is na your father, it is na your mother,
It is na your brother John;
But it is Sweet William, your ain true-love,
To Scotland new come home.'