* * * * *
22 'A grave, a grave,' Lord Bengwill cried,
'To put these lovers in,
And put Lady Bengwill uppermost,
For she's come of the noblest kin.'
J
Motherwell's MS., p. 371, from the recitation of Agnes Lyle, Kilbarchan.
1 Four and twenty ladies fair
Was playing at the ba,
And out cam the lady, Barnabas' lady,
The flower amang them a'.
2 She coost an ee on Little Mossgrey,
As brisk as any sun,
And he coost anither on her again,
And they thocht the play was won.
3 'What would you think, Little Mossgrey,
To lye wi me this nicht?
Good beds I hae in Barnabey,
If they were ordered richt.'
4 'Hold thy tongue, fair lady,' he says,
'For that would cause much strife;
For I see by the rings on your fingers
That you're Lord Barnabas' wife.'
5 'Lord Barnabas' lady indeed I am,
And that I'll let you ken,
But he's awa to the king's court,
And I hope he'll neer come hame.'
6 Wi wrapped arms in bed they lay
Till they fell both asleep,
When up and starts Barnabas' boy,
And stood at their bed-feet.