10 The knight he rade, and the birdy flew,
The live-lang simmer's night,
Till he came till his lady's bowr-door,
Then even down he did light:
The birdy sat on the crap of a tree,
An I wot it sang fu dight.
11 'O wow for day! diddle
An dear gin it were day! diddle
Gin it were day, an gin I were away!
For I ha na lang time to stay.' diddle
12 'What needs ye lang for day, diddle.
An wish that you were away? diddle
Is no your hounds i my cellar,
Eating white meal an gray?' diddle
O wow, etc.
13 'Is nae your steed in my stable,
Eating good corn an hay?
An is nae your hawk i my perch-tree,
Just perching for his prey?
An is nae yoursel i my arms twa?
Then how can ye lang for day?'
14 'O wow for day! diddle
An dear gin it were day! diddle
For he that's in bed wi anither man's wife
Has never lang time to stay.' diddle
15 Then out the knight has drawn his sword,
An straiked it oer a strae,
An thro and thro the fa'se knight's waste
He gard cauld iron gae:
An I hope ilk ane sal sae be servd
That treats ane honest man sae.
The burden stands thus in the manuscript after the first stanza:
O wow for day, diddle
An dear gin it were day, diddle
Gin it were day, diddle
I were away,
For I ha na lang time to stay. diddle
131. nae you. (?)