D
Motherwell's MS., p. 480, from the recitation of Widow Michael, a very old woman, as learned by her in Banffshire seventy years before. August, 1826.
1 Gill Morice stood in stable-door,
With red gold shined his weed;
A bonnie boy him behind,
Dressing a milk-white steed.
2 'Woe's me for you, maister,
Your name it waxes wide;
It is not for your rich, rich robes,
Nor for your meikle pride,
But all is for yon lord's ladie,
She lives on Ithan side.'
3 'Here's to thee, my bonnie wee boy,
That I pay meat and fee;
You will run on to Ithan side
An errand unto me.'
4 'If ye gar me that errand run,
Sae sair against my will,
I'll make a vow, and keep it true,
I'll do your errand ill.'
5 'I fear nae ill of thee, boy,
I fear nae ill of thee;
I fearna ill of my bonnie boy,
My sister's son are ye.
6 'Ye'll tak here this green manteel,
It's lined with the frieze;
Ye'll bid her come to gude green-wood,
To talk with Gill Morice.
7 'Ye'll tak here this sark o silk,
Her ain hand sewed the sleeve;
Ye'll bid her come to gude green-wood,
And ask not Burnard's leave.'
8 When he gade to Ithan side
They were hailing at the ba,
And four and twenty gay ladyes
They lookd ower castle wa.