19 The king and his nobles aw
Went tripping doun the plain,
Wi the queen and her maries aw,
To see fair Johnie slain.
20 Even anent the prison-door
The battle did begin;
. . . . . . .
. . . . . . .
21 They foucht up, and they foucht doun,
Wi swerds o tempered steel,
Til Johnie wi his gude braidswerd
Made the Italian for to yield.
22 He has kickd him with his foot,
And he has kickd him oure the plain;
'Onie mair Italians in your court
Ye want for to be slain?'
23 'A clerk, a clerk,' the king cried,
'To sign her tocher-fee;'
'A priest, a priest,' young Johnie said,
'To marry her and me.
24 For I want nane o your gowd,
Nor nane o your weel won fee;
I only want your fair dochter,
I have won her mannfullie.'
J
Kinloch MSS, VII, 40, 42, 46, 49.
1 O word is to the queen hersel,
In parlour whare she sat,
That the king's dochter goes wi child
To Jock, that little Scot.
2 O word is to the king himsel,
And an angry man was he;
Says, I will put her in cold prison,
And hunger her till she dee.