27 He's taen his young son in his arms,
His lady by the hand,
And they're down thro good green wood,
As fast as they could gang.
28 Till they came to a shepherd-may,
Was feeding her flocks alone;
Said, Will ye gae alang wi me,
And carry my bonny young son?
29 The gowns that were shapen for my back,
They shall be sewd for thine;
And likewise I'll gar Squire Willie
Gie you a braw Scotsman.
30 When they came on to Willie's bower-yates,
And far beyont the sea,
She was haild the lady o Douglass Dale,
And Willie an earl to be:
Likewise the maid they brought awa,
She got a braw Scotsman.
C
Kinloch MSS, V, 327, in the handwriting of Dr John Hill Burton.
1 Sweet Sir William of Douglas Dale,
A knight's ae son was he;
He dreamed of dear Dame Oliphant,
Lang ere he did her see.
2 He dreamed a woman of great beauty
Gave him a red rose flower,
Well busket about wi the lillies white,
Just like the paramour.
3 O sweet Sir William of Douglas Dale,
A knight's ae son was he,
And he is on to the king's high court,
To serve for meat and fee.
* * * * *