Plus aquilis vexilla crucis, plus Caesare Petrus,
Plus cinctis ducibus vulgus inerme dedit.
Stans domui terras; infernum diruta pulso;
Corpora stans, animas fracta jacensque rego.
Tunc miserae plebi, nunc principibus tenebrarum
Impero; tunc urbes, nunc mea regna polus.
Quod ne Caesaribus videar debere vel armis,
Et species rerum meque meosque trahat,
Armorum vis illa perit, ruit alta Senatûs
Gloria, procumbunt templa, theatra jacent.