& atte the hauene of Grymesby, ther they gon aryue.
Ther was brought forth child Hauelok, wyth Grym & his fere,
Right als hit hadde be ther own, for other wyste men nere.
Til he was mykel & mighti, & man of mykel cost,
Tht for his grete sustinaunce, nedly serue he most.
He tok leue of Grym & Seburc, as of his sire & dame,
And askede ther blessinge curteysly, ther was he nought to blame.
Thenne drow he forth northward, to kynges court Edelsie,
Tht held fro Humber to Rotland, the kyngdam of Lyndesye.
Thys Edelsy of Breton kynde, had Orewayn his sister bright