No William of Malmesbiri, ne Pers of Bridlynton,
Writes not in ther bokes of no kyng Athelwold,
Ne Goldeburgh his douhtere, ne Hauelok not of told,
Whilk tyme the were kynges, long or now late,
Thei mak no menyng whan, no in what date.
Bot that thise lowed men vpon Inglish tellis,
Right story can me not ken, the certeynte what spellis.
Men sais in Lyncoln castelle ligges ȝit a stone,
That Hauelok kast wele forbi euer ilkone
& ȝit the chapelle standes, ther he weddid his wife,