For the yere of oure lord five honderd &
/ our lord suffred his people moche to be tormentyd by the cruelte of the paynyms / And Cosdroe33 Kynge of the Perceens subdued to his empyre all the Royaumes of the world / And he cam into Iherusalem and was aferd and a dred of the sepulcre of our lord & retorned / but he bare with hym the parte of the hooly Crosse / that saynte Helene had left ther. And then he wold be worshiped of alle the peple / as a god / & dyd do make a tour of gold and of sylver wherein precious stones shone / and made therein the ymages of the sonne and of the mone and of the sterres / and made that by subtyle conduytes water to be hydde / and to come doune in the maner of rayne / And in the laste stage he made horses to draw charyotes round aboute lyke as they had mevyd the toure / and made it to seme as it had thondred / and delyvered his Royaume to his sone. And thus this cursyd man abode in this Temple / and dyd doo sette the crosse of our lord by hym and commaunded that he shold be callyd god of alle the peple / And as it is redde in libro de mitrali[H] officio the said Cosdroe resydent in his trone as a fader / sette the tree of the Crosse on his ryght syde in stede of the sonne / and a cock in the lyft syde in stede of the hooly ghoost / & commaunded / that he shold be called fader /. And then Heracle[I] themperour assembled a grete hoost / and cam for to fyght wyth the sonne of Cosdroe by the ryver of danubie / & thenne hit pleasyd to eyther prynce / that eche of them shold fyght one ageynste that other upon the brydge / & he that shold vaynquysshe & overcome his adversarye sholde be prynce of thempyre withoute hurtyng eyther of bothe hostes / & so hit was ordeyned & sworn / & that who somever shold helpe his prynce shold have forthwith his legges & armes cut of / & to be plonged / & cast in to the Ryver.
34Throne, or seat; French, siège.
35Astonished.
36Shoen—shoes.
37Besprinkled.
38Invited.
39Pacified, appeased.
40Ampullæ, bottles or flasks.