[Notes][13.] Can ahau; uchi maya cimlal ocnalkuchil ych paa.
Cabil ahau; uchci nohkakil.
Oxlahun ahau; [142-1]uchci cimil ahpulha, uacppel hab u binel ca ɔococ u xol oxlahun ahau cuchie, ti yan u xocol hab ti lakin cuchie, canil kan, cumlahi pop hool han, tu holhun zip catac oxppeli, bolon imix u kinil cimci ahpulha laitun hab=1536 cuchi.
[14.] Buluc ahau; ulci ɔulob——kul uincob ti lakin u talob ca ulob uai tac lumile.
Bolon ahau; hopci xptianoil; uchci caputzihil; lai li ichil u katunil ulci yax obispo toral heix hab cu [142-2]xinbal cuchie—1544.
[15.] Vuc ahau; cimci obispo Landa ichil u katunil.
[16.] Ho ahau, ca yum cahi padre mani lai hab cu ximbal cuchi la—1550; lai hab cu ximbal ca cahiob yok ha, 1552 cuchi.
[17.] 1559, hab ca uli oydor ca paki spital.
[18.] 1560, u habil ca uli Doctor quixada yax halach uinic uai ti lume.
[19.] 1562, hab ca uchci chuitab.