The bride she is winsome and bonnie,
Her hair it is snooded sae sleek;
And faithful and kind is her Johnnie,
Yet fast fa' the tears on her cheek.
New pearlings are cause o' her sorrow—
New pearlings and plenishing too;
The bride that has a' to borrow
Has e'en right muckle ado.
Woo'd, and married, and a';
Woo'd, and married, and a';
And is na she very weel aff,
To be woo'd, and married, and a'?
Her mither then hastily spak—
"The lassie is glaikit wi' pride;
In my pouches I hadna a plack
The day that I was a bride.
E'en tak to your wheel and be clever,
And draw out your thread in the sun;
The gear that is gifted, it never
Will last like the gear that is won.
Woo'd, and married, an' a',
Tocher and havings sae sma';
I think ye are very weel aff
To be woo'd, and married, and a'."
"Toot, toot!" quo' the gray-headed faither;
"She 's less of a bride than a bairn;
She 's ta'en like a cowt frae the heather,
Wi' sense and discretion to learn.
Half husband, I trow, and half daddy,
As humour inconstantly leans;
A chiel maun be constant and steady,
That yokes wi' a mate in her teens.
Kerchief to cover so neat,
Locks the winds used to blaw;
I 'm baith like to laugh and to greet,
When I think o' her married at a'."
Then out spak the wily bridegroom,
Weel waled were his wordies, I ween,—
"I 'm rich, though my coffer be toom,
Wi' the blinks o' your bonnie blue een;
I 'm prouder o' thee by my side,
Though thy ruffles or ribbons be few,
Than if Kate o' the Craft were my bride,
Wi' purples and pearlings enew.
Dear and dearest of ony,
I 've woo'd, and bookit, and a';
And do you think scorn o' your Johnnie,
And grieve to be married at a'?"
She turn'd, and she blush'd, and she smiled,
And she lookit sae bashfully down;
The pride o' her heart was beguiled,
And she play'd wi' the sleeve o' her gown;
She twirl'd the tag o' her lace,
And she nippit her boddice sae blue;
Syne blinkit sae sweet in his face,
And aff like a maukin she flew.
Woo'd, and married, and a',
Married and carried awa';
She thinks hersel' very weel aff,
To be woo'd, and married, and a'.
WILLIAM DUDGEON.
Though the author of a single popular song, William Dudgeon is entitled to a place among the modern contributors to the Caledonian minstrelsy. Of his personal history, only a very few facts have been recovered. He was the son of a farmer in East-Lothian, and himself rented an extensive farm at Preston, in Berwickshire. During his border tour in May 1787, the poet Burns met him at Berrywell, the residence of the father of his friend Mr Robert Ainslie, who acted as land-steward on the estate of Lord Douglas in the Merse. In his journal, Burns has thus recorded his impression of the meeting:—"A Mr Dudgeon, a poet at times, a worthy, remarkable character, natural penetration, a great deal of information, some genius, and extreme modesty." Dudgeon died in October 1813, about his sixtieth year.