Far over yon hills of the heather sae green,
An' down by the corrie that sings to the sea,
The bonny young Flora sat sighing her lane,
The dew on her plaid, and the tear in her e'e.
She look'd at a boat wi' the breezes that swung,
Away on the wave, like a bird of the main;
An' aye as it lessen'd she sigh'd and she sung,
Fareweel to the lad I shall ne'er see again!
Fareweel to my hero, the gallant and young,
Fareweel to the lad I shall ne'er see again!
The moorcock that craws on the brows of Ben-Connal,
He kens of his bed in a sweet mossy hame;
The eagle that soars o'er the cliffs of Clan-Ronald,
Unawed and unhunted his eyrie can claim;
The solan can sleep on the shelve of the shore,
The cormorant roost on his rock of the sea,
But, ah! there is one whose hard fate I deplore,
Nor house, ha', nor hame in his country has he:
The conflict is past, and our name is no more—
There 's nought left but sorrow for Scotland and me!
The target is torn from the arm of the just,
The helmet is cleft on the brow of the brave,
The claymore for ever in darkness must rust,
But red is the sword of the stranger and slave;
The hoof of the horse, and the foot of the proud,
Have trod o'er the plumes on the bonnet of blue,
Why slept the red bolt in the breast of the cloud,
When tyranny revell'd in blood of the true?
Fareweel, my young hero, the gallant and good!
The crown of thy fathers is torn from thy brow!
BONNY PRINCE CHARLIE.
Cam ye by Athol, lad wi' the philabeg,
Down by the Tummel or banks o' the Garry,
Saw ye our lads wi' their bonnets and white cockades,
Leaving their mountains to follow Prince Charlie?
Follow thee! follow thee! wha wadna follow thee?
Lang hast thou loved and trusted us fairly!
Charlie, Charlie, wha wadna follow thee,
King o' the Highland hearts, bonnie Prince Charlie?
I hae but ae son, my gallant young Donald;
But if I had ten they should follow Glengarry!
Health to M'Donnell and gallant Clan-Ronald—
For these are the men that will die for their Charlie!
Follow thee! follow thee! &c.
I 'll to Lochiel and Appin, and kneel to them,
Down by Lord Murray, and Roy of Kildarlie;
Brave M'Intosh, he shall fly to the field with them,
These are the lads I can trust wi' my Charlie!
Follow thee! follow thee!&c.
Down through the Lowlands, down wi' the Whigamore!
Loyal true Highlanders, down wi' them rarely!
Ronald and Donald, drive on, wi' the broad claymore,
Over the necks o' the foes o' Prince Charlie!
Follow thee! follow thee! wha wadna follow thee?
Long hast thou loved and trusted us fairly!
Charlie, Charlie, wha wadna follow thee,
King o' the Highland hearts, bonny Prince Charlie?