Air—"We 'll meet beside the dusky glen."
Nae mair we 'll meet again, my love, by yon burn side—
Nae mair we 'll wander through the grove, by yon burn side—
Ne'er again the mavis lay will we hail at close o' day,
Nor ne'er again we 'll stray down by yon burn side.
Yet mem'ry oft will fondly brood on yon burn side,
O'er haunts which we sae saft hae trod, by yon burn side;
Still the walk wi' me thou 'lt share, though thy foot can never mair
Bend to earth the gowan fair, down by yon burn side.
Now far removed from every care, 'boon yon burn side,
Thou bloom'st, my love, an angel fair, 'boon yon burn side;
And if angels pity know, sure the tear for me will flow,
Who must linger here below, down by yon burn side.
BONNIE PEGGY.[46]
Air—"Bonnie lassie, O."
Oh, we aft hae met at e'en, bonnie Peggy, O!
On the banks of Cart sae green, bonnie Peggy, O!
Where the waters smoothly rin,
Far aneath the roarin' linn,
Far frae busy strife and din, bonnie Peggy, O!
When the lately crimson west, bonnie Peggy, O!
In her darker robe was dress'd, bonnie Peggy, O!
And a sky of azure blue,
Deck'd with stars of golden hue,
Rose majestic to the view, bonnie Peggy, O!
When the sound of flute or horn, bonnie Peggy, O!
On the gale of ev'ning borne, bonnie Peggy, O!
We have heard in echoes die,
While the wave that rippled by,
Sung a soft and sweet reply, bonnie Peggy, O!
Then how happy would we rove, bonnie Peggy, O!
Whilst thou, blushing, own'd thy love, bonnie Peggy, O!
Whilst thy quickly throbbing breast
To my beating heart I press'd,
Ne'er was mortal half so blest, bonnie Peggy, O!
Now, alas! these scenes are o'er, bonnie Peggy, O!
Now, alas! we meet no more, bonnie Peggy, O!
Oh! never again, I ween,
Will we meet at summer e'en
On the banks of Cart sae green, bonnie Peggy, O!
Yet had'st thou been true to me, bonnie Peggy, O!
As I still hae been to thee, bonnie Peggy, O!
Then with bosom, oh, how light,
Had I hail'd the coming night,
And yon evening star so bright, bonnie Peggy, O!