OH! YEARS HAE COME.
Oh! years hae come, an' years hae gane,
Sin' first I sought the warld alane,
Sin' first I mused wi' heart sae fain
On the hills o' Caledonia.
But oh! behold the present gloom,
My early friends are in the tomb,
And nourish now the heather bloom
On the hills o' Caledonia.
My father's name, my father's lot,
Is now a tale that 's heeded not,
Or sang unsung, if no forgot
On the hills o' Caledonia.
O' our great ha' there 's left nae stane—
A' swept away, like snaw lang gane;
Weeds flourish o'er the auld domain
On the hills o' Caledonia.
The Ti'ot's banks are bare and high,
The stream rins sma' an' mournfu' by,
Like some sad heart maist grutten dry
On the hills o' Caledonia.
The wee birds sing no frae the tree,
The wild-flowers bloom no on the lea,
As if the kind things pitied me
On the hills o' Caledonia.
But friends can live, though cold they lie,
An' mock the mourner's tear an' sigh,
When we forget them, then they die
On the hills o' Caledonia.
An' howsoever changed the scene,
While mem'ry an' my feeling 's green,
Still green to my auld heart an' e'en
Are the hills o' Caledonia.
MY MOUNTAIN HAME.
Air—"Gala Water."
My mountain hame, my mountain hame!
My kind, my independent mother;
While thought and feeling rule my frame,
Can I forget the mountain heather?
Scotland dear!
I love to hear your daughters dear
The simple tale in song revealing,
Whene'er your music greets my ear
My bosom swells wi' joyous feeling—
Scotland dear!