LET ITHER ANGLERS.
Let ither anglers choose their ain,
An' ither waters tak' the lead;
O' Hieland streams we covet nane,
But gie to us the bonnie Tweed!
An' gie to us the cheerfu' burn
That steals into its valley fair—
The streamlets that at ilka turn,
Sae saftly meet an' mingle there.
The lanesome Tala and the Lyne,
An' Manor wi' its mountain rills,
An' Etterick, whose waters twine
Wi' Yarrow, frae the forest hills;
An' Gala, too, an' Teviot bright,
An' mony a stream o' playfu' speed;
Their kindred valleys a' unite
Amang the braes o' bonnie Tweed.
There 's no a hole abune the Crook,
Nor stane nor gentle swirl aneath,
Nor drumlie rill, nor fairy brook,
That daunders through the flowrie heath,
But ye may fin' a subtle troot,
A' gleamin' ower wi' starn an' bead,
An' mony a sawmon sooms aboot,
Below the bields o' bonnie Tweed.
Frae Holylee to Clovenford,
A chancier bit ye canna hae,
So gin ye tak' an' angler's word,
Ye 'd through the whins an' ower the brae,
An' work awa' wi' cunnin' hand
Yer birzy hackles black and reid;
The saft sough o' a slender wand
Is meetest music for the Tweed!
THE BRITISH OAK.
The oak is Britain's pride!
The lordliest of trees,
The glory of her forest side,
The guardian of her seas!
Its hundred arms are brandish'd wide,
To brave the wintry breeze.
Our hearts shall never quail
Below the servile yoke,
Long as our seamen trim the sail,
And wake the battle smoke—
Long as they stem the stormy gale,
On planks of British oak!