XXXV
‘Ye’ll tak’ my horse then by the head
And let the bridle fa’;
The Queen o’ Elfin she’ll cry out
“True Tam Lin he’s awa’!”
XXXVI
‘They’ll turn me in your arms, ladye,
An aske[21] but and a snake;
But hauld me fast, let me na gae,
To be your warldis make[22].
XXXVII
‘They’ll turn me in your arms, ladye,
But and a deer so wild;
But hauld me fast, let me na gae,
The father o’ your child.
XXXVIII
‘They’ll shape me in your arms, ladye,
A hot iron at the fire;
But hauld me fast, let me na go,
To be your heart’s desire.
XXXIX
‘They’ll shape me last in your arms, Janet,
A mother-naked man;
Cast your green mantle over me,
And sae will I be won.’