XLII
‘O Annie, Annie,’ loud he cried,
‘O Annie, O Annie, bide!’
But ay the mair he cried ‘Annie,’
The braider grew the tide.
XLIII
‘O Annie, Annie, dear Annie,
Dear Annie, speak to me!’
But ay the louder he ’gan call,
The louder roar’d the sea.
XLIV
The wind blew loud, the waves rose hie
And dash’d the boat on shore;
Fair Annie’s corpse was in the faem,
The babe rose never more.
XLV
Lord Gregory tore his gowden locks
And made a wafu’ moan;
Fair Annie’s corpse lay at his feet,
His bonny son was gone.
XLVI
O cherry, cherry was her cheek,
And gowden was her hair,
And coral, coral was her lips,
Nane might with her compare!