[78. Lamkin]
I
It’s Lamkin was a mason good
As ever built wi’ stane;
He built Lord Wearie’s castle,
But payment got he nane.
II
‘O pay me, Lord Wearie,
Come, pay to me my fee.’—
‘I canna pay you, Lamkin,
For I maun gang o’er the sea.’—
III
‘O pay me now, Lord Wearie,
Come, pay me out o’ hand.’—
‘I canna pay you, Lamkin,
Unless I sell my land.’—
IV
‘O gin ye winna pay me,
I here sall mak’ a vow
Before that ye come hame again,
Ye sall hae cause to rue.’