Doun cam’ the Laird o’ Lamington
Out frae the North Countrie,
All for to court this pretty may,
Her bridegroom for to be.
III
He tell’d na her father, he tell’d na her mither,
He tell’d na ane o’ her kin,
But he tell’d the bonnie lass hersel’
An’ her consent did win.
IV
But up then cam’ Lord Faughanwood
Out frae the English Border,
And for to court this pretty may,
A’ mounted in good order.
V
He’s tell’d her father, he’s tell’d her mither,
And a’ the lave[540] o’ her kin;
But he’s tell’d na the bonny lass hersel’
Till on her weddin’-e’en.
VI
She’s sent unto her first fere[541] love,
Gin he would come to see,
And Lamington has sent back word
Weel answer’d should she be.