VIII
‘Away, away, thou traitor strang!
Out o’ my sight soon mayst thou be!
I grantit never a traitor’s life,
And now I’ll not begin wi’ thee.’—
IX
‘Grant me my life, my liege, my King!
And a bonny gift I’ll gie to thee:
Full four-and-twenty milk-white steids,
Were a’ foal’d in ae yeir to me.
X
‘I’ll gie thee a’ these milk-white steids,
That prance and nicker[546] at a speir;
And as mickle gude Inglish gilt[547],
As four o’ their braid backs dow[548] bear.’—
XI
‘Away, away, thou traitor strang!
Out o’ my sight soon mayst thou be!
I grantit never a traitor’s life,
And now I’ll not begin wi’ thee!’—
XII
‘Grant me my life, my liege, my King!
And a bonny gift I’ll gie to thee:
Gude four-and-twenty ganging[549] mills,
That gang thro’ a’ the yeir to me.