III

‘O bide at hame this nicht, Willie,
This ae bare nicht wi’ me:
The bestan bed in a’ my house
Sall be well made to thee.

IV

‘O bide at hame this nicht, Willie,
This ae bare nicht wi’ me:
The bestan bird in a’ the roost
At your supper, son, sall be.’—

V

‘A’ your beds and a’ your roosts
I value not a pin;
But I sall gae to my love’s gates
This nicht, gif I can win.’—

VI

‘O stay at home, my son Willie,
The wind blaws cauld an’ sour;
The nicht will be baith mirk and late
Before ye reach her bour.’—

VII

‘O though the nicht were ever sae dark,
Or the wind blew never sae cauld,
I will be in my Margaret’s bour
Before twa hours be tald.’—