I
Of a’ the maids o’ fair Scotland,
The fairest was Marjorie;
And young Benjie was her ae true love,
And a dear true-love was he.
II
And wow! but they were lovers dear,
And loved fu’ constantlie;
But ay the mair when they fell out,
The sairer was their plea[560].
III
And they hae quarrell’d on a day,
Till Marjorie’s heart grew wae,
And she said she’d chuse another luve,
And let young Benjie gae.
IV
And he was stout, and proud-heartèd,
And thought o’t bitterlie,
And he’s gaen by the wan moon-light,
To meet his Marjorie.
V
‘O open, open, my true love!
O open, and let me in!’—
‘I dare na open, young Benjie,
My three brothers are within.’—