XXX
They fyred the house in many a place,
The fyre flew up on hye:
‘Alas!’ then cryèd fayre Alyce,
‘I see we here shall dye.’
XXXI
Wyllyam openyd a backe wyndowe,
That was in hys chamber hie,
And there with sheetes he did let downe
His wyfe and children three.
XXXII
‘Have you here my treasure,’ sayde Wyllyam,
‘My wyfe and my chyldren thre:
For Christès love do them no harme,
But wreke you all on me.’
XXXIII
Wyllyam shot so wonderous well,
Tyll hys arrowes were all agoe,
And the fyre so fast upon hym fell,
That hys bowstryng brent in two.
XXXIV
The sparkles brent and fell upon
Good Wyllyam of Cloudesley:
Than was he a wofull man, and sayde,
‘Thys is a cowardes death to me.