And, as they lokèd them besyde,
A paire of new galowes they see,
And the Justice with a quest of swerers[678],
That judged Cloudesley hangèd to be.
LXX
And Cloudesley lay redy in a cart,
Fast bound both fote and hand;
And a stronge rope about hys necke,
All readye for to be hang’d.
LXXI
The Justice called to him a ladde,
Cloudesley’s clothes shold hee have,
To take the measure of that yeman,
Thereafter to make hys grave.
LXXII
‘I have sene as great mervaile,’ said Cloudesley,
‘As betweyne thys and pryme,
He that maketh a grave for mee,
Hymselfe may lye therin.’
LXXIII
‘Thou speakest proudlye,’ said the Justice,
‘I will thee hange with my hande.’
Full wel herd this his brethren two,
There styll as they dyd stande.