Sabbati prædicto applicui ad villam Okenton, ubi est castellum comitis Devoniæ, pernoctando ibidem.
Dominica 13 die Septembris de Okenton usque villam de Launceston cum castro, et pernoctavi tota die et nocte.
Locutus fui de doctore Ewen et certis cronicis.
Lunæ 14 die Septembris, exaltationis sanctæ crucis, de prioratu Launceston equitavi per le Moore post meridiem, ubi equus meus occidet, applicando ad Bodman, loquendo cum fratre Mowne etcet.
Martii 15 die Septembris apud Bodman loquendo cum —— Bernard, et equitavimus per villam Trewro, pernoctando cum Otys Philip valetto coronæ regis.
Mercurii 16 die Septembris fui apud Trewro, et apud fratres predicantes videndo martilogium, et applicavimus usque villam Markysew prope Montem Michaelis ad noctem.
Jovis 17 die Septembris Sancti Lamberti, audivi missam apud Myghell-mont.
Jovis predicto, post meridiem reequitavi usque villam Penryn.
Veneris 18 Septembris, pernoctavi usque villam Penryn, ubi est collegium, et applicui ad Bodman.
Dominica 20 Septembris, equitavi de Bodman usque villam Lastidyelle, et applicui usque villam Bokehenney et —— et Fowey, loquendo et pernoctando cum Roberto Bracey.