[284.3] Margaret of Anjou.
[284.4] Widow of Robert Clere, Esq. of Ormesby, who died in 1446. Fenn says his daughter, but no notice is found of a daughter of that name, while the widow occurs frequently in this correspondence.
[285.1] Bailiff.
[285.2] Either Edmund Tudor, who was created Earl of Richmond about November 1452, or Jasper, who was created Earl of Pembroke at the same time. They were half-brothers to the King, being sons of his mother, Catherine, Queen of Henry V., by her subsequent marriage to Sir Owen Tudor.
[227]
AGNES PASTON TO JOHN PASTON[285.3]
To my welbelovyd Son, John Paston.
1453
JULY 6
Sone I grete yow well and send you Godys blessyng and myn, and lete you wete that Robert Hyll cam homward by Horwelle bery, and Gurney tellyd hym he had byn at London for mony and kowd nat spedyng, and behestyd Robert that he shuld send me mony be you. I pray for getyt not as ze com homward, and speke sadly for i. nothyr fermor.
And as for tydyngs, Phylyppe Berney[286.1] is passyd to God on Munday[286.2] last past wyt the grettes peyn that evyr I sey man; and on Tuysday Ser Jon Henyngham zede to hys chyrche and herd iij. massys, and cam hom agayn nevyr meryer, and seyd to hese wyf that he wuld go sey a lytyll devocion in hese gardeyn and than he wuld dyne; and forthwyth he felt a feyntyng in hese legge and syyd don. This was at ix. of the clok, and he was ded or none.
Myn cosyn Cler[286.3] preyt you that ze lete no man se her letter, wheche is in selyd undir my selle. I pray you that ze wyl pay your brothir William for iiij. unces and j. half of sylke as he payd, wheche he sende me by William Tavyrner, and bryng wyt yow j. quarter of j. unce evyn leke of the same that I send you closyd in thys letter; and sey your brothyr William that hese hors hath j. farseyn and grete rennyng sorys in hese leggis. God have you in kepyng. Wretyn at Norwyche on Sent Thomas evyn in grete hast.[286.4] Be your modyr, A. Paston.