[320.1] [From Fenn, iii. 200.] This letter is dated by a contemporary note at the bottom of the original, which is given thus in Fenn: ‘Li’t a͞a Mich. xxxiijº.’ But for ‘a͞a,’ according to the Errata in vol. iii., we should read ‘a͞e,’ i.e. ‘Litteræ ante Mich. [Festum S. Michaelis] xxxiij.’ [i.e. anno Regis xxxiii.].
[247]
BOTONER TO JOHN PASTON[320.2]
To my Maister Paston.
1454
JUNE 8
Worshypfull Syr, and my gode maister, after dewe recomendacion, wyth alle my trewe servyce precedyng, lyke you wete that as to nouveltees, &c., the Prince shall be create at Wyndesour, uppon Pentecost Sonday,[321.1] the Chaunceller,[321.2] the Duc of Bokyngham, and manye othyre Lordys off astate, present wyth the Quene.
As to my Lord Yorke, he abydyth aboute Yorke tille Corpus Crist Feste[321.3] be passyd, and wyth grete worship ys there resseyved.
And certeyn Justices, Prysot,[321.4] Byngham,[321.5] Portyngton,[321.6] and &c., be thedre for execucion of justice uppon such as hafe offendended yn cause creminall.
It ys seyd the Duc of Exceter[321.7] ys here coverdtlye. God send hym gode councell hereafter.
And the Pryvee Sele[321.8] ys examynyd how, and yn whate maner, and be whate autorite prevye selys were passed forthe in that behalf, whych ys full innocent and ryght clere yn that mater, as it ys welle knowen.
The Frenshmen hafe be afore the Isles of Gersey and Gernessey, and a grete navey of hem, and vc. [500] be taken and slayn of hem by men of the seyd trew Isles, &c.