[31.1] This name is substituted for ‘Herry Inglose,’ struck out.

[509]
SIR THOMAS HOWES TO JOHN PASTON[31.2]

To the ryght wurshipfull sir and meyster, myn Mayster John Paston, Squier.

1462
[FEB.]

Ryght worshipfull sire and mayster, I recomaunde me to yow. And please yow that the chirche of Drayton is or shal be resyngned in hast in to the Bysshopys hands by Sir John Bullok, desyryng yow hertly that ye lyke I may have the presentacion of the next avoydaunce for a newew of myn, callyd Sir Reynold Spendlove, whiche I truste youre maystership wold agree to make in youre name and myn as was last, &c. And, sir, please yow also that I have hadde diverse communicacions with Worcestr sethe Crystmesse,[32.1] and I fele by hym otterly that he wole not appoynt in other fourme than to have the londs of Feyrechildes and other londes in Drayton to the sume of x. marc of yow proprely, by syde that that he desyreth of myn mayster, whom God assoyle, whiche mater I remytte to your noble discrecion.

And as for answere of the bylles that I have, I have ben so sekelew seythe Crystmasse that I myght not yette don hem, but I shal in alle hast, wher inne ye may excuse yow by me if ye please tyl the next terme, at whiche tyme alle shal be aunswered, be Godds grace, who preserve yow and send yow th’ accomplyshement of youre desyres, &c.

Item, sere, please youre maystership hit was leten me wete in ryght secrete wyse that a pyssaunce is redy to aryve in thre parties of this londe, by the meane of Kyng Herry and the Quene that wes, and by the Dewk Somercete and others, of vi.xx. m.l. [120,000] men; and here day, if wynde and weder hadde servyd theym, shuld a’ ben here sone upon Candelmasse; at Trente to London werdes thei shuld a’ ben by Candelmasse or sone after, one parte of theym, and another parte comyng from Walys, and the thredde fro Yernessey and Garnesseye. Wher fore it is weel don ye enforme myn Lord Warwyk, that he may speke to the Kyng that good provyion be hadde for withstandyng there malicyous purpose and evyl wylle, whiche God graunt we may our come theym; and so we shuld, I dought not, if we were alle on [one]. There ben many medelers, and they ben best cheryshed, whyche wold hurt moche if these come to, as God diffende, &c. T. Howys.

[31.2] [From Fenn, iv. 68.] For evidence of the date of this letter, Fenn quotes the following extracts from the Institution Books in the Registry of the Bishop of Norwich:—

‘Draiton

‘Reg. xi. 124. 29 January 1460-1. Johannes Bullock ad præsentationem Joh’is Paston arm. et Tho. Howys capellani.