[3.3] Thomas Gurney of Norwich, Esq., died in 1471.—F.
[3.4] ‘Woud’ in Fenn in the original text, but this is evidently a misprint. The right-hand copy reads ‘wend,’ i.e. weened or thought, and the note immediately following shows that this was the reading intended.
[3.5] The word ‘not’ seems here to have been omitted in the original letter.—F.
[3.6] The word ‘He’ occurs in the text before ‘Sche,’ but is evidently a mistake.
[4.1] All Souls’, otherwise Soulmas Day, 2nd of November.—F.
in the chancel of Herling Church.
final . missing or invisible
[489]
MARGARET PASTON TO JOHN PASTON[4.2]
To my ryth worchepfull [hus]bond, John Paston, be thys delyveryd in hast.
1461
NOV. 20
Ryth worchepfull husbond, I recomand me to yow. Plesyt yow to wet that I receyvyd yowyr lettyr that ye sent by the gold smyth, as thys day in the mornyng. As for Syr Thomas, he sent me word he schold to yow ward as on Twysday last past; if he fayle ony thyng that ye sent word he schold bryng with hym, it is not for no lak of remembrans, for I sent to hym thryis or fowyr tymys ther for, and that he schold hast hym ther in. As for Rychard Call, he was not at home thys fortnyth. When he comyth I schall do yowir erendys to hym; and as for all yowyr odyr erendys I schall do hem as well as I can. I sent yow a byll yestyrday by old Taverham, and a byll of Jone Gaynys mater, the whyche bylle I pray yow may be delyveryd to Thomas Playter. I spak to hym of the same mater or he yed hens, and I pray yow, if it plese yow, to geve hym yowyr avyse what ye thynk is best to do ther in. Sche seyth sche is ryth sory, and if hyr old mastyr demene hym not well to yow sche prayith yow that ye wole be hyr good mastyr, and I that sche fare never the werse for hys defawtys. And also I pray yow that ye wele be John Lysterys good mastyr in hys mater. He spak to Playter ther of, and Playter seyd he hopyd to fynd a mene aftyr that he had spook with yow, that schold ese hym ther in. I thank yow hertly for yowyr lettyr, for it was to me gret comfort to her fro yow. God knowyth my modyr and I thowt ryth longe tyll we herd tydyngys fro yow. And the blyssyd Trinite have yow in Hys kepyng. Wretyn in hast on Seynt Edmundys Day the Kyng. By yowyr M. P.