. . . . . . .
And I beseche yow to remembr my brother to doo hys deveyr thatt I maye have agayn my stuffe, my bookes and vestments, and my beddyng, how so evyr he doo, thoghe I scholde gyffe xxti scutes by hys advyse to my Lady Brandon, or some other goode felawe.
As for any tydynges ther be noon heer, saffe that the Kyng hath kept a ryall Crystmesse; and now they seye that hastelye he woll northe, and some seye that he woll into Walys, and some seye that he woll into the West Contre. As ffor Qween Margrett, I understond that sche is remevyd from Wyndesor to Walyngfforthe, nyghe to Ewhelme, my Lady of Suffolk Place in Oxenforthe schyre.
And men seye that the Lorde Ryverse schyppyd on Crystmesse evyn in to Portyngale warde; I am not serteyn.
Also the schalle be a convocacion off the Clergye in all haste, whyche men deeme will avayle the Kynge a dyme and an halffe, some seye. I beseche God sende yow goode heele and greater joye in on year then ye have hadde thys vij.
Wretyn att the Moor the viij. daye off Janever, Ao E. iiij. xj. By yowr soone, John Paston, K.
[130.2] [From Fenn, ii. 86.]
[130.3] His pardon passed the Great Seal on the 21st December 1471. Pardon Roll 11 Edward IV., m. 25.
[131.1] Sir George Browne, Knight, of Betchworth Castle, in Surrey.—F.
[131.2] Elizabeth Paston, formerly married to Robert Poynings.