Maister Paston, it is so that my Lord desireth to have his lyverey as for this yere to be of the colour that he hadde him self a demye gowne of, and his childern hadde of the same ayenst Cristmasse laste was; I wot never whether ye remembre it or nay. Yt was a medelled tawney, som what rede, and it was bought at Watkyn Stalworthes. I pray you assaye among the clothe makers in your countre howe a man may bye a cloth of them. Ye muste remembre the gentilmen muste have better than the yomen, and the yomen better than the gromes. And ye knowe well that ye and I the laste yere pourvoied my lord of the gentilmenes lyverey and the yomens for iijs. a yerde, one with a nother, and the gromes for ijs. viijd., and boughte all at the drapers in London. Wherfore my Lord woll thinke to be served of better clothe and lesse price at the clothe makers. I wolde have sente you an example but I can not gette it.
[184.1] [Add. MS. 34,889, f. 148.] This letter contains a great many uncertainties. The writer is anonymous, the person addressed is by no means clear, and the lord referred to cannot be determined. Neither is there any means of arriving at an approximate date.
[1083]
ROBERT KYLLYGREWE TO RICHARD WASSE[184.2]
Thys letter be delyvyrde on to my fadyrynlav Rychard Wasse dewelly yn the parris of Morton.
Welle belovyd fadyr, y recommende me on to you, and y thonke you of your gode cherre to me beyng vyt you laste, &c. Fadyr, hyt ysso asfor the promysse that ys by twyxt you and me, y hope to God to contayne you of my promysse. So by that y am so lenge on y payde on to you, Fadyr, hyt ysso ye have y lefte me yn so grete a danger wyt the reparasyon of Wolston ande wythe Benet Barnarde that y am so lenge byhynde vyt you of my promys; nere the les y have sende you by Herry Penennec iiij. mark a fore Crystmas, ande the wederyng fyl so fowle a konnot go on to you. Fadyr, hyt yesso y have payde Benet Barnarde viij. marke for the fe that ye made on to hym, and more y moste pay hym for you, for he axyt of you yn holle xijli. wyt the fe, ande hys labor that a dyde for you yn London. For he sayt that ye nevyr payde hym of no fyne, nodyr for no odyr coste that a dyde for you wylle ye werre yn thys contray. Therfore y pray you to sende on to me a dyscharge for the sayde xijli., or ellys a wolle dystrayne me and put me to scharge an coste as a hath strayne my tenenttes byfore for thys mater and costys. For dermore Boryng hath take an accion yn the comyn law ayenst us bothe, entendyng to dryve us to a new particion, for a shewyth owre to tenentes to tempe ande meve them to cry fore a noder particion, ande to have suche as plesyth hym to hys reteyne; and therfore, but we have the better consayle hyt woll cost moch mony wyth owt dowt. Ther fore send me suche evydens as may dyscharge and save bothe you and me, wyche byth yn your hon dysposal; hyt hath coste me xls. for the accion that he hath take ayenst Tomas Snel and Wyllyam Snell, for bycause that T. Snell forbede[185.1] Bouryng ys tenents fro my wode yn Boter towne, which bythe alders. Your doctor [daughter] recommende hyr on to you and prayyt of your dayly blessyng, and sche hat a son, bleste by God. Namore to you at thys tymme. God have you yn Hys kepyng. By your Son, Roberte Kylly Grewe.
[184.2] [Add. MS. 34,889, f. 181.] It is difficult to connect this letter with the rest of the Paston correspondence, or to give any idea as to its date.
[185.1] ‘forbede’ repeated in MS.
[1084]
MEMORANDUM[186.1]
Memorandum to speke with William Byrde be the same tokne, I came home from London to Norwich on Mydsomer evyn last past, and the same even I cam home to his howse, and brought hym xs. for a gyrdyll off myn that he had in his kepyng for a plegge off myn; and if so be that he wilnat ley out thes money, let hym send me the bill indentyd off my jowellys closyd in a letter with a signet off myn that my wiff hath in her keping.
Endorsed—Vyall.