Et in vanis quoniam nimis delectatur,
Bona differt facere, malum non vitatur.
Ex prælatis plurimum Deum non timentes
Sunt sub boni specie mala facientes,
Hiique plus quam laici sæpe sunt nocentes,
Bene curant corpora, male pascunt mentes,
Regnat nunc impietas, pietas fugatur,
Nobilisque largitas procul relegatur;
Stricta nam tenacitas multos comitatur,
Et in multis caritas sic refrigeratur.