Sic respublica perit, terra desolatur;
Invalescit extera gens et sublimatur;
Vilescit vir incola et subpeditatur:
Sustinet injurias, non est qui loquatur.
Tam miles quam clericus ambo fiunt muti;
Facti sunt extranei loquaces astuti:
Inter centum Anglicos non sunt duo tuti;
Planctum et obprobrium jam sunt assecuti.
O Comes Gloverniæ, comple quod cœpisti;
Nisi claudas congrue, multos decepisti.