Nede y mot spene that y spared ȝore,
Aȝeyn this cachereles cometh thus y mot care;
Cometh the maister budel brust ase a bore,
Seith he wole mi bugging bringe ful bare.
Mede y mot munten a mark other more,
Thah ich at the set dey sulle mi mare.
Ther the grene wax us greveth under gore,
That me us honteth ase hound doth the hare.
He us honteth ase hound hare doh on hulle;
Seththe y tek to the lond such tene me wes taht.