Declinavit postea frango, frangis, fregi:
Omnia quæ pepigi prodendo pacta peregi.
Pactum prætergressus est princeps prænotatus,
Quando non compescuit pravorum conatus;
Vox in Rama sonuit, fletus et ploratus;
Mitis prælatus facit ignavos famulatus.
Ab ignavis famulis rex inhonoratur;
Sanctitas subvertitur, lex evacuatur;
Sæpe fit seditio, pax periclitatur.
Sit maledicta domus ubi quisque cliens dominatur! 60