In the lond of Flaundres, among false ant trewe,
That the commun of Bruges ful sore con a-rewe,
ant seiden amonges hem,
“Gedere we us togedere hardilyche at ene,
Take we the bailifs by tuenty ant by tene,
Clappe we of the hevedes an oven o the grene,
ant caste we y the fen.”
The webbes ant the fullaris assembleden hem alle,
Ant makeden huere consail in huere commune halle;
Token Peter Conyng huere kyng to calle,