Peter Conyng by thi nome, ȝef thou art hende ant free,
That y ne have no shame ne no vylté,
that y ne be noud ded.”
Thenne swor a bocher, “By my leauté!
Shalt thou ner more the Kyng of Fraunce se,
Ne in the toun of Bruges in prisone be,
thou woldest spene bred.”
Ther by were knulled y the put-falle,
This eorles ant barouns ant huere knyhtes alle;
Huere ledies huem mowe abide in boure ant in halle