That wes in al Fraunce among olde ant ȝynge:
The meste part of the lond bygon for te synge
“alas! ant weylawo!”
Awey thou ȝunge pope! whet shal the to rede?
Thou hast lore thin cardinals at thi meste nede;
Ne keverest thou hem nevere for nones kunnes mede,
for sothe y the telle.
Do the forth to Rome to amende thi misdede;
Bide gode halewen hue lete the betere spede:
Bote thou worche wysloker, thou losest lont ant lede,