Est libellus pauperum pauperi legendus;
Hic tibi præcipue sit pura mente colendus.
Circa dialecticam tempus cur consumis,
Tu qui nullos redditus aliunde sumis?
Colat qui per patriam natus est e summis,
Dives agro, dives positis in fænore nummis.
Dives in fallaciis discat esse fortis;
Discat capram facere de persona sortis.
Artes nunquam deserat citra tempus mortis.
Contentus fama lateat Lucanus in hortis.