Terra, pontus, astra, mundus, plaudant quod hic corruit.
Trux, crudelis inter omnes, nunc a pompis abstinet;
Jam non ultra sicut comes, vel ut rex, se continet;
Vir indignus, morte dignus, mortem dignam sustinet.
Flexis ramis arbor illa ruit in proverbia;
Nam rigor lentescit ille quem dedit superbia;
Sic debet humiliari qui sapit sublimia.
Ædes Petri qua tenetur non sit fulta robore;
Sit prophanus alter locus, sit et in dedecore,
Quem fœdus cruor fœdavit fusus Petri corpore!